大壹冰室 (已結業)

2个人食，比左张二人台，唔阔落，半张台摆左餐具调味料，一来上餐汤同包已经无哂位，要急急食完先有位摆下一碟野。叫左个牛扒配薯菜餐 同 芝士焗三文鱼粒饭餐。芝士焗三文鱼饭只能话正常味道不过不失。牛扒餐，薯条唔热仲要硬过我条命，应该系翻炸，两个字：难食。个扒喺个menu就懒系野比你拣3/5/7成熟，拣左5成最后都系全熟牛肉都无乜牛嘅质感，不过呢个价钱唔计较咁多了。最激气系我地食完个餐，坐多左一阵想饮埋杯野，个侍应已经走埋来话繁忙时间想我地尽快埋单。我地12:47入座，坐左都无半个钟，食完收碟都唔够5分钟，杯野都仲饮紧，13:20就已经走埋来催。本来就快饮完都准备走。真系坐喺到开套戏睇埋先走咩，仲要又唔系好坐。出面门口等紧嘅系客，入面食紧嘅唔系客？住左喺个区大半年都无试过呢间，比门口条长龙呃哂，真系无下次明明成个河畔区间间都有返咁上下质素，真心唔明点解呢间野永远大排长龙。