影片
更多
2018-07-28
54 浏览
大埔墟近公园仔附近有一间餐厅，平时都见好多人等位，今次就入去试吓晚餐。餐厅灯光耀目，而且招牌大大只字写住开饭主羡，容易揾到之余，而且入面座位非常舒适，更有卡位选择。店员随即比左餐牌我哋选择，餐牌中嘅食物非常吸引，而且图文并茂。首先就叫咗几款小食，分别系法式烧蚝、蒜香蜜糖鸡翼、韩式炸鸡翼、煎饺子、小丸子同埋蒜烧茄子等。烧蚝中，有芝士同埋蒜蓉味道选择，即叫即整新鲜出炉，生蚝有我手板咁大只，而且非常香，特别系蒜蓉味嘅烧蚝，食落去除咗味道Creamy新鲜之外，亦好滋味。煎饺子一份有四只，外皮煎得非常香脆可口，而且皮薄馅靓，每一啖都系新鲜嘅猪肉味道。同样地钟意食蒜蓉嘅我，蒜香茄子面头铺满厚厚嘅蒜蓉粒同埋葱花粒，食落去茄子质感好林，非常入味。主菜方面，分别叫咗肉酱鸡扒焗意粉同埋忌廉汁软壳蟹焗海鲜饭，两款卖相非常吸引。饮品方面，叫咗冻柠茶同埋热柚子蜜，冻柠茶茶味香浓，而且好大杯，好抵饮。总括而言，餐厅食物款式多选择，属于平民化嘅餐厅，主要以焗饭、焗意粉为主，食物味道新鲜美味，仲要系即叫即整，难怪经常满座，门口多人等位。
大埔墟近公园仔附近有一间餐厅，平时都见好多人等位，今次就入去试吓晚餐。
餐厅灯光耀目，而且招牌大大只字写住开饭主羡，容易揾到之余，而且入面座位非常舒适，更有卡位选择。
店员随即比左餐牌我哋选择，餐牌中嘅食物非常吸引，而且图文并茂。首先就叫咗几款小食，分别系法式烧蚝、蒜香蜜糖鸡翼、韩式炸鸡翼、煎饺子、小丸子同埋蒜烧茄子等。
烧蚝中，有芝士同埋蒜蓉味道选择，即叫即整新鲜出炉，生蚝有我手板咁大只，而且非常香，特别系蒜蓉味嘅烧蚝，食落去除咗味道Creamy新鲜之外，亦好滋味。
煎饺子一份有四只，外皮煎得非常香脆可口，而且皮薄馅靓，每一啖都系新鲜嘅猪肉味道。
同样地钟意食蒜蓉嘅我，蒜香茄子面头铺满厚厚嘅蒜蓉粒同埋葱花粒，食落去茄子质感好林，非常入味。
主菜方面，分别叫咗肉酱鸡扒焗意粉同埋忌廉汁软壳蟹焗海鲜饭，两款卖相非常吸引。
饮品方面，叫咗冻柠茶同埋热柚子蜜，冻柠茶茶味香浓，而且好大杯，好抵饮。总括而言，餐厅食物款式多选择，属于平民化嘅餐厅，主要以焗饭、焗意粉为主，食物味道新鲜美味，仲要系即叫即整，难怪经常满座，门口多人等位。
张贴
