Match Cafe & Restaurant

营业中

休息中

去食lunch，set lunch 埋单大概每人$130，但食物质素分分钟50几蚊慨茶餐厅好食过佢。想用洗手间，发现道门锁住，就问侍应系唔系需要锁匙。跟住佢就攞锁匙帮我开。开门之前侍应阿姐敲门问里面有冇人，冇人应，佢就继续开。点知佢一开锁里边就话有人。咁阿姐就同里便讲话唔好意思，点知之后就闹翻我话，”小姐里面有人所以锁咗门呀！” 怪我令到佢好尴尬！我第一次去你间餐厅，鬼知你洗手间里面有几多格？你日日喺度返工，唔识用个脑谂下门锁咗左即系有人，唔识同个客讲话里面有人麻烦你等一阵？上食物嘅时候明明自己捧碟餐过嚟，跟住就死都唔放低然后话唔系我哋嘅。我朋友话佢系叫咗呢个餐，跟住都唔肯放低，掉头拎走话唔系我哋。唔系我哋你又拎过嚟？送餐之前冇睇清楚𠮶张枱系咪叫咗呢个餐嘅咩？睇完之后就话系我哋嘅先至肯放低。仲要系餐厅唔系多人！唔明点解咁都搞唔清楚。