山海 (已結業)

終於試左馬鞍山山海～多謝職員嘅推薦，完全唔洗睇Menu最鍾意❤️：厚切平木魚背壽司，唔洗點任何調味，都已經好好味，經輕輕炙燒過的平目魚背，油份豐盈，肉質軟滑。火炙帶子壽司，厚身帶子肉質爽甜同壽司飯好夾，一啖咬落去，充滿幸福感。雞軟骨串，配一隻雞蛋，沾上蛋漿令到雞肉更加滑。豚肉露筍卷，燒過嘅豚肉十分香口夾埋爽脆juicy，配埋生啤，好正。池魚刺身，肉質爽口緊實，一份刺身有薄切同火炙 過嘅刺身，一次滿足兩個願望。一般般：大拖羅壽司，今次有少少失色，三件壽司有兩件有渣。玉子燒，夠熱，但有少少老。燒魷魚🦑：不過不失總結：食過幾次屯門山海，感覺屯門山海嘅食物質素穩定D，有多D壽司同刺身選擇。馬鞍山山海就有串燒配生啤。希望日後馬鞍山山海可以越做越好。