影片
更多
2024-10-05
439 浏览
叫左碗金钱肚面，45蚊对得住个价钱，论份量味道都正常发挥，唯一要弹嘅系汤底重手左。加单要个油菜，点知几分钟后楼面姐姐就将个油菜拎去刚刚坐低落完单果枱客度，果下我都奇怪。算，食住面等，到个面食到得返少少，催下阿姐。楼面马尾all back姐姐就话：等多阵，厨房未有我都俾唔到你。无奈…终于几分钟后真相大白，原来果枱客张单都仲未打出嚟🙄🙄姐姐就走嚟耍冧，我就冇打算追究。到埋单又嚟料，前面果pair大陆人喺收银前搞劲耐（又系果啲谂住支付宝可以所有地方都通行嘅烦胶）。我等左成5分钟，无啦啦我后面组同样排紧队俾钱嘅客人唔知做乜行左出门口，收银姐姐完全无视我，一嘢嘟左果组客人张单。我哩下就话：姐姐，我排先架㖞。姐姐就话：你排紧队俾钱架？（我心谂：好问题，唔通我排队攞你签名呀？）佢再讲：都嘟左啰，无办法架啦⋯⋯一句对唔住都冇，大佬你地乱到7彩，食碗面都惨过乞咁，成肚气，冇下次！
金钱肚面
$45
17 浏览
0 赞好
0 留言
张贴
