Coffee Jobs (已結業)

今日本身諗住飲杯咖啡，經過見到試個午餐，無諗過食物比咖啡質素更好。分別叫左Long Black同白朱古力咖啡，兩杯都無特別，所以無影相。反而食物外觀及味道均可媲美其他西餐廳。黑松露溫泉蛋雜菌扁意粉黑松露味道比較清淡，而雜菌數量分分鐘比意粉更多，食到最後，醬料唔會杰撻撻。肥牛熱狗肥牛數量非常之多，適合食肉獸。紅酒會牛肋條意大利粉用嘅係普通飯並不是意大利米，但醬汁濃郁，牛肋條軟熟，三扒兩撥就可以食晒。餐廳環境尚算舒服，但餐廳位置比較難搵，在廣華醫院附近。