SENSU (新城市廣場三期) (已結業)

Sensu 算系我饭堂之一，今日就一行4人嚟左食晚餐，最近呢2个月冇嚟到，原来佢既晚市套餐加入左自助沙律甜品吧，啲菜都几新鲜又有唔同汁拣，仲有生果同甜品都系自助任食，真系唔错。是日餐汤今日系南瓜汤，一贯水准，香甜顺滑。招牌小食拼盘有薯条、鸡咁，脆口开胃。北京填鸭风印度薄饼鸭好味，薄饼亦香，两者配合都几新奇。炭烧原条鱿鱼配松露薯蓉入口非常之甘香，鱿鱼唔会过熟，而且淡淡一层炭烧风味真的不错，松露薯蓉就略嫌松露味唔够浓，但薯蓉十分之滑。烤BB乳猪仔配烧菠萝椰菜加左钱食BB猪，烤得香脆入味，唔会干争争。椰菜亦都腌得入味，解油解腻。和风牛肉旋风蛋包饭（挂住食冇影）绝对称得上招牌菜，每次我都会食，个蛋蛋香味浓，而且十分之滑唔会过老。和风牛肉十分入味，两者配合好好送饭。仲有点左杯咖啡，十分香浓，作为一餐既总结非常舒适。