影片
更多
2018-02-04
3626 浏览
今晚食团年饭，近农历年，难订枱，所以之前食过呢间酒楼，知道食物麻麻地，都照订，因为人多，系得呢度容易订枱。每围$3298,我哋因为因为13人，所以加多一个位，同埋加多一只元贝，25蚊一只。乳猪比较细只，皮脆但冇肉食，就系脆皮下面得一层肥膏，侧边嘅系斋烧鹅，里面系用啲云耳、萝卜丝、粉丝等造成馅料，外面酥皮都脆，味道系清淡嘅。芝士龙虾伊面底，上菜嘅时候食咗一啖，发觉啲龙虾系冰冷嘅，似雪柜攞出嚟未返热，就送上嚟畀人食，叫部长再返热先攞返来，味道可以，咸淡适中，龙虾肉爽口，芝士酱比较杰啲，伊面都算烟韧，冇煮得太林，龙虾一只畀晒你，但系因为蟹钳冇帮你夹烂，其实食唔到里面啲肉，净系食到龙虾身的肉。发财好市大利，发菜在中间，分量少，蚝豉都几大粒，有香味，大脷其实就是啡色一片片的猪脷，几爽口，够入味，生菜都ok, 如果唔好煮咁谂就好啦。蚝油汁煮得几好，呢度菜清淡得来味道咸淡得宜，算系今晚暂时最好味嘅菜式。竹笙海皇烩生翅，翅的份量不算多，汤底味道不错， 加醋食仲好味, 里面用了都算足。 最紧要够热，天气冻，好多𩠌菜上咗就好快冻， 呢个鱼翅喺贵价菜式嚟讲不错。粉丝蒸元贝，本来12只，我哋加多25蚊要多一只
每围$3298,我哋因为因为13人，所以加多一个位，同埋加多一只元贝，25蚊一只。
乳猪比较细只，皮脆但冇肉食，就系脆皮下面得一层肥膏，侧边嘅系斋烧鹅，里面系用啲云耳、萝卜丝、粉丝等造成馅料，外面酥皮都脆，味道系清淡嘅。
芝士龙虾伊面底，上菜嘅时候食咗一啖，发觉啲龙虾系冰冷嘅，似雪柜攞出嚟未返热，就送上嚟畀人食，叫部长再返热先攞返来，味道可以，咸淡适中，龙虾肉爽口，芝士酱比较杰啲，伊面都算烟韧，冇煮得太林，龙虾一只畀晒你，但系因为蟹钳冇帮你夹烂，其实食唔到里面啲肉，净系食到龙虾身的肉。
发财好市大利，发菜在中间，分量少，蚝豉都几大粒，有香味，大脷其实就是啡色一片片的猪脷，几爽口，够入味，生菜都ok, 如果唔好煮咁谂就好啦。蚝油汁煮得几好，呢度菜清淡得来味道咸淡得宜，算系今晚暂时最好味嘅菜式。
竹笙海皇烩生翅，翅的份量不算多，汤底味道不错， 加醋食仲好味, 里面用了都算足。 最紧要够热，天气冻，好多𩠌菜上咗就好快冻， 呢个鱼翅喺贵价菜式嚟讲不错。
粉丝蒸元贝，本来12只，我哋加多25蚊要多一只。
粉丝蒸到好干，元贝都应该蒸过龙，唔够滑，蒜蓉份量都足够，洒上葱花，卖相有点混乱，未试过食蒸蒜蓉粉丝扇贝，都可以粉丝系干的，味道就正常，蒜蓉味够，唔会太咸，鲜味都仍然有的。
翡翠炒象拔蚌带子，冇乜味，好淡，带子有轻轻煎过，见到有微焦，象拔蚌大条，滑嘟嘟，但系因为这道菜是比较清的，所以讲究厨师嘅调味功夫， 可以落多啲蒜蓉同埋椒盐等，吊起海鲜的鲜味。 好彩西芹、象拔蚌、同带子都冇煮过龙，西芹爽脆，带子几滑。
清蒸大海斑，条斑真系几大条，啲肉质虽然不够滑， 但仍未至于鞋口，尚算接受， 相信因为今晚太多人订枱食团年饭，所以厨师在火候控制方面做得唔系咁好。
腊味糯米饭，分量好少，只碟咁大，装出来，只有半碟。如果以食围饭嚟讲，份量真系好少。每人一啖都食完 。味道方面就真系几好食，烟烟韧韧的糯米饭均匀地散布在一些腊味，虾米，葱，越食越香。
炸子鸡一只，皮几脆，不过啲肉除咗大髀系滑之外，我就唔太钟意食炸子鸡，因为感觉比较干身啲，我钟意食有肉汁嘅。咁佢呢度炸得皮几靓，卖相都唔错，虽然我就唔钟意食咁咸，但系都会 觉得炸子鸡不过不失。
杞子桂花糕，比较似啫喱糖，落咗好多鱼胶粉。硬身左d, 味道其实都ok. 甜度适中，杞子好林，入口即溶。
总结呢次团年饭，都食得可以，除咗龙虾伊面冻嘅，啲菜系比较淡嘅，蒸过龙嘅鱼，好干嘅粉丝元贝，同甜品系几旧糕点之外。不过都系因为佢食物质素有待改善先至易book枱，大家可以参考下，可以放下食物质素的条件先至订呢度食。
张贴
