品越越式料理 (士丹利街) (已結業)

系中环返工食饭真系有平有贵。呢间算系中价位，只要早少少出去食饭都唔驶等位。我大约一个月会来食一次，例牌叫个鲜茄蟹肉肉丸札肉汤檬配热檬水。食咗咁多次，汤檬一贯足料，但系唔知点解个味道好似冇之前咁好，茄味淡左，有少少失望。食完饭走𠮶阵时发现来店既人数少咗好多，以前食完离开餐厅嘅时候会见到好长嘅人龙，但系今次居然食完间舖都仲未坐满，令人惊讶。再上网睇吓大家嘅食评，发现唔止我一个觉得近期水准差咗，希望之后会好返啲，如果唔系我可以转场啦。