沙嗲王 (已結業)

由于工作早放嘅关系，同朋友约咗早少少去食沙嗲王，再慢慢行街。可能因为食饭时间尚早，唔使等位就可以入座，客人都唔算好多。同朋友点咗二人餐，佢点咗日式蟹粉豆腐锅配饭，而我点咗沙嗲肩胛肥牛拉面。试咗少少朋友嘅日式蟹粉豆腐锅配饭，味道颇香甜，不过唔系我杯茶haha。去沙嗲王食沙嗲肩胛肥牛拉面已经变成我嘅指定动作。不过呢次觉得沙嗲汤底味道太淡，沙嗲味唔够浓郁。而肥牛都系普通，稍嫌薄身，入口无乜口感。老实讲有啲失望。蒜蓉牛油鸡翼（4只）鸡翼系必点，牛油香系足够，蒜香就真系唔太食到。不过我同朋友都系志在食到热辣辣嘅鸡翼。石锅奶油娃娃菜呢款系陪朋友食嘅，自己无咩兴趣。客观而言，娃娃菜系几香同爽口，可能因为加咗奶油。不过亦因此有种油腻感，虽然系菜，但都唔敢食太多。饮品方面我一落单已经讲明系要冻青苹果红茶（配啫喱），但张单写住冻荔枝红茶（配啫喱），未上饮品我已经同另一位店员反映，佢话会帮我转。点知一上仍然系荔枝茶，结果又要再揾店员......想饮杯野都难。