請坐 (已搬遷) 新店位置

平日lunch hour时段朋友话想试 请坐，话好似好好食，就一齐去食下！铺头细细一去到都要排队，然后见到门口标住用餐时间30分钟😨下，咁赶？不过一场黎到唯有照试。等紧既时候已经可以先点菜，等左20至30分钟就到我地，不过3人坐2人枱坐位有d迫。坐低无耐就有得食，点左卤肉饭(细)，红烧牛肉面同肉松蛋饼，冻珍珠奶茶。个卤肉饭既卤肉选得不错，有肥有瘦，分布都平均👍🏻不过系普通卤汁味唔系台湾古早味。有少量菜甫点缀😋睇落细碗但都几饱。朋友话红烧牛肉面ok。我觉得个汤都唔错。个蛋饼就普通。好普通既肉松，蛋味欠奉。至于个珍珠奶茶我觉得有惊喜！应该无用奶精，口感香滑。珍珠口感不错，亦不会太甜。虽然佢唔系准30分钟叫我走，但到40分钟都真系必赶！杯嘢饮都未饮完唯有外卖杯带走加1蚊。个人中意慢慢食，今餐有d赶，如果可以放宽用餐时间就好啦。