紅蔥頭 (已結業)

平时同另一半都会成日中午去到钻石山荷里活广场食lunch，有时一个月去几次，依排个大食代仲装修紧， 令到本来已经小食肆选择嘅商场变得少上加少。今日行开见到红葱头原来平时都有做开优惠，中午12点前埋单就免加一。记得上一次食红葱头已经系五，六年前喺荃湾食。所以见咁耐冇食过咁就入去试吓，两个人叫咗一个芦笋野菌忌廉意大利饭同一个西式牛扒午餐。等左一阵，侍应已经开始将啲食物送到。个芦笋忌廉意大利饭望落去同餐牌张相有少许出入，卖相冇咁吸引。意大利饭食落去冇乜菇味，成个意大利饭都系会比忌廉味盖过晒。另外就系个牛扒餐，味道不过不失，牛扒几大块冇偷工减料，呢个价钱都算系咁。而餐厅环境都好舒服整洁，灯光偏暗，几适合喺度倾吓计坐下，不过餐厅嘅入口就要离开商场啊出返去马莎旁边先入到。