影片
更多
2018-05-02
167 浏览
同老死约左系荃湾行街，揾个地方食野可以坐耐啲girl talk吓，佢话同男友之前发掘左间坐得自在既café，野食都几好味同价钱适中，提议去一街之隔既呢间店到食。Menu几多选择，拣左个双双对对二人餐($328)，有前菜、小食、主食、甜品同饮品，另外再点左个芝士薯条($48) & 黑椒蜜糖牛柳粒($52)。个二人餐前菜拣左八爪鱼水果藜麦沙律:沙律好快黎到，份量够晒大碟，配料十足。菜蔬有沙律菜、大洋葱、车厘茄&杏仁片，水果有提子同桃，八爪鱼块都好大片&鲜甜，共有4-5块，带点嚼劲，完全唔腥反而好有鲜味多汁。沙律配上黑醋汁，mix埋一齐既口感特别满足，口感爽口脆脆地既沙律菜，好清爽再带点生果嘅微甜，成道沙律酸酸甜甜，令人愈食愈开胃。 主菜拣左车打芝士鲜虾意大利粉 & 卡邦尼长通粉车打芝士鲜虾意大利粉:卖相不俗，意大利粉面条煮得碞碞好，带点挺身，汁芝士味浓，芝士汁煮到紧紧缠住令条意粉都沾到汁，口感浓厚幼滑。配搭车厘茄，芝士汁带有酸酸甜甜，唔会有济腻感觉，属light口味lady爱好。卡邦尼长通粉：呢个卡邦尼长通粉好味!!长通粉上面洒满左芝士忌廉烟肉，卡邦尼酱炒得好好有水准，长通粉彻底渗入味卡邦
Menu几多选择，拣左个双双对对二人餐($328)，有前菜、小食、主食、甜品同饮品，另外再点左个芝士薯条($48) & 黑椒蜜糖牛柳粒
($52)。
个二人餐前菜拣左八爪鱼水果藜麦沙律:沙律好快黎到，份量够晒大碟，配料十足。菜蔬有沙律菜、大洋葱、车厘茄&杏仁片，水果有提子同桃，八爪鱼块都好大片&鲜甜，共有4-5块，带点嚼劲，完全唔腥反而好有鲜味多汁。沙律配上黑醋汁，mix埋一齐既口感特别满足，口感爽口脆脆地既沙律菜，好清爽再带点生果嘅微甜，成道沙律酸酸甜甜，令人愈食愈开胃。
主菜拣左车打芝士鲜虾意大利粉 & 卡邦尼长通粉
车打芝士鲜虾意大利粉:卖相不俗，意大利粉面条煮得碞碞好，带点挺身，汁芝士味浓，芝士汁煮到紧紧缠住令条意粉都沾到汁，口感浓厚幼滑。配搭车厘茄，芝士汁带有酸酸甜甜，唔会有济腻感觉，属light口味lady爱好。
卡邦尼长通粉：呢个卡邦尼长通粉好味!!长通粉上面洒满左芝士忌廉烟肉，卡邦尼酱炒得好好有水准，长通粉彻底渗入味卡邦尼酱既浓味，每条长通粉都吸收左重忌廉既奶滑感，喜欢重口味人士必点之选
黑椒蜜糖牛柳粒($52):去左筋煎香至全熟，所以软淋却又带点嚼劲，表面有涂上蜜汁煎，再洒些少，微辣带甜，牛柳味再加蜜糖，味恰到好处，juicy几惹味香口
芝士薯条($48)：薯条即炸脆卜卜，够脆够热，薯条厚身，外面脆而中间绵密软熟，配上热溶左既车打芝士简直系无敌，几乎每条都沾满浓味既溶邪恶到呢!!! 口感非常过瘾，味道浓郁令我地无法抗拒，呢个系秒速清晒货。
蜜糖鸡翼:新鲜炸出来够晒热辛辣辣，基本上系元胜，有五件，烘烤到外层好脆，成只中翼都系金黄色，外面脆卜卜，内里肉嫩仲有肉汁，烘得刚刚好，无果种油沥味或炸得干涩如柴头既质感，烤鸡翼我钟意，所以又系好快扫除完毕，正。
餐饮分别点左冻摩卡咖啡同夏天的尾巴，前者好多忌廉，咖啡味好浓，呢杯系我果位咖啡精朋友点的，佢好喜欢。我点既系后者，夏天的尾巴系果茶，甜中带微酸，带水果果香，酸酸甜甜味适中，好醒胃，夏天饮果茶，冰冻又够爽。
个二人餐甜品跟每人一件芝士蛋糕。分别拣左芝士蛋糕同蓝莓芝士蛋糕，cheese cake外面一件卖30几蚊，呢度二人餐连餐送，几抵，芝士味几浓，每啖芝士都够实，唔错。
呢道坐得好舒服，店面虽不算很大，但装潢好闲适，且行距有一定既空间感足够，令人坐得好悠然，围绕住店面既系一排排既小说，令我都不禁提升左不少既书卷气。
原来可以系书架上扲小说睇，睇完碞心水可以$5蚊买走，好抵。仲有呢殊可以用唔要既旧书小说换咖啡劵，好有环保概念。
食物有水准而坐得舒适，好碞同朋友黎食野闲谈倾计。食完野侍应唔会催迫客人走人，食客可以坐食度继续悠闲倾计，或者去书架扲小说睇。埋单连加一，价钱都公道&抵食，一定会再同朋友黎食过。
张贴
