影片
更多
2016-05-28
640 浏览
好耐都冇去花园餐厅锯扒感觉好期待，因对上一次已经系四、五个月嘅时候，今次因为朋友生日指定要去呢间餐厅锯扒，一上到去已经好多人门口等紧，心谂好嘢等等都冇问题，唔紧要，大约等咗二十分钟左右，佢地就同我讲有位啦，果刻我同朋友已经好肚饿，我简咗牛柳食，而朋友就食西冷，啲嘢食好快就到，我食个牛柳算唔错煎得岩岩好，仲有系冇乜筋，呢个要赞，朋友个西冷都唔错，虽然话要5成，最后出到黎以肉质黎睇7成到，但尚算可以唔太梅，我地谂住满心欢喜之际叫埋单，点知埋咗成20分钟都未找钱返黎，初初以为我地咁岩九点几多人埋单走，点知发现好多客人都等紧找钱，真系唔系当面见到都唔信，我见到楼面咁忙，而起身行过收银位度睇到我张单放左系柜面，但呢个时候个收银竟然只顾玩电话，冇理到我，之后有个侍应问我咩事，我话比侍应听未找钱等咗好耐，个侍应先叫个收银找先，好地地一餐生日饭，差啲搞到闹交收场，朋友话食物同环境都唔错，系个浓妆收银搅到美中不足，仲话以后唔会再黎
张贴