強記飯店

营业中

休息中

今日下午茶时间行经此店，见店内无咩客人，唔驶等，于是入去食个下午茶。我叫了一碗鱼蛋河加热柠茶。我食左一粒鱼蛋，咬落去居然系冻，唔系热，即系鱼蛋未熟，我再食另外一粒鱼蛋仍，咬落去仍然是冻的，于是我立即叫侍应帮我换过一碗鱼蛋河，之后侍应居然送上一碗有两落已经咬左一半鱼蛋嘅鱼蛋河，即系厨房无帮我换过一碗全新嘅鱼蛋河，佢将我食过嘅鱼蛋河再倒落锅内翻煮一次！！！我立即找侍应来理论，侍应态度非常恶劣，我同佢讲头先已经一早讲左要换过碗新鱼蛋河点解冇换过碗新，佢话佢头先听唔到。佢应该系聋人黎，几个侍应仲大大声问凶我，咁我而家想点呀，好似黑社会恶吓我咁。之后侍应再帮我换过一碗鱼蛋河，我发现只有4粒鱼蛋，少左1，2粒。d河粉一夹就散，似系翻煮过。即系由头到尾侍应都无帮我换过一碗新嘅鱼蛋河，只系将我头先咬过嘅鱼蛋掉左，再翻煮一次！！！！此茶餐厅将食物未煮熟就上枱比客人食，个厨师不理客人要求换过一碗全新嘅，居然将食客食过嘅食物再翻煮一次，侍应态度亦非常恶劣。综合以上几点，呢间茶餐厅很难在竞争激烈嘅湾仔区生存落去。