影片
更多
2021-02-27
266 浏览
难得下午茶时间喺观塘，喺密集嘅工厦之中揾番间舒服嘅餐厅坐低休息下～嚟到Boon嘅门口已经俾佢湖水绿色嘅大门同柔和嘅色调吸引咗，餐厅设计走日系简约风，周围都放置咗干花做摆设，令人感觉舒适悠闲。餐厅除咗法日式嘅主菜同Pasta/Risotto外，仲有法式咸甜薄饼同小食汤品。我地试咗个咸薄饼配松露蘑菇鸡肉－伴碟嘅藜麦沙律用咗乳酪酱，感觉轻怡更健康；上菜时已经闻到好香嘅松露味，蘑菇鸡肉调味足够炒得香，面头落咗巴马臣芝士碎，加埋煎得好靓嘅太阳蛋，蛋汁同配料捞埋一齐食非常夹；薄饼边煎到脆脆地，整个组合食落烟韧充满咸香。咸薄饼仲可以配菠菜烟三文鱼或者洋葱烟肉野菜，好想下次试埋佢！店员推介我地试下大厨嘅新菜式－味噌龙虾汤，食过果然冇失望！龙虾汤比起出面饮开嘅较稀身，但系味道依然浓郁；最特别嘅反而系块多士，面头搽咗一层龙虾膏，香口得嚟鲜味十足，多士烘到脆卜卜，浸汤食就变得有咬口。另外点咗两杯饮品边食边倾－杂莓乳酪沙冰用多款新鲜莓果打成，有水果天然嘅酸甜味，饮落好refreshing；Earl Grey Latte好多人都钟意，特别系面头有层绵密嘅奶泡同伯爵茶叶做点缀，饮落更加清新香醇。同员工闲谈下知道餐
嚟到Boon嘅门口已经俾佢湖水绿色嘅大门同柔和嘅色调吸引咗，餐厅设计走日系简约风，周围都放置咗干花做摆设，令人感觉舒适悠闲。
餐厅除咗法日式嘅主菜同Pasta/Risotto外，仲有法式咸甜薄饼同小食汤品。
我地试咗个咸薄饼配松露蘑菇鸡肉－伴碟嘅藜麦沙律用咗乳酪酱，感觉轻怡更健康；上菜时已经闻到好香嘅松露味，蘑菇鸡肉调味足够炒得香，面头落咗巴马臣芝士碎，加埋煎得好靓嘅太阳蛋，蛋汁同配料捞埋一齐食非常夹；薄饼边煎到脆脆地，整个组合食落烟韧充满咸香。咸薄饼仲可以配菠菜烟三文鱼或者洋葱烟肉野菜，好想下次试埋佢！
法式咸薄饼配煎蛋藜麦沙律
$118
17 浏览
0 赞好
0 留言
店员推介我地试下大厨嘅新菜式－味噌龙虾汤，食过果然冇失望！龙虾汤比起出面饮开嘅较稀身，但系味道依然浓郁；最特别嘅反而系块多士，面头搽咗一层龙虾膏，香口得嚟鲜味十足，多士烘到脆卜卜，浸汤食就变得有咬口。
味噌龙虾汤
$68
10 浏览
0 赞好
0 留言
另外点咗两杯饮品边食边倾－杂莓乳酪沙冰用多款新鲜莓果打成，有水果天然嘅酸甜味，饮落好refreshing；Earl Grey Latte好多人都钟意，特别系面头有层绵密嘅奶泡同伯爵茶叶做点缀，饮落更加清新香醇。
杂莓乳酪沙冰
$58
6 浏览
0 赞好
0 留言
伯爵奶泡
$48
4 浏览
0 赞好
0 留言
张贴
