泰閣 (已結業)

我哋一行五个人黎食晚餐， 门口有少少难揾原来系喺酒店嘅一楼嚟。 装修尚算唔错， 今日系星期四，呢度唔系好多人， 环境安静， 倾计好舒服。 1）椰青海鲜饭我觉得系今晚比较特别同值得推介既食物。 佢将椰青入面嘅肉刮咗出嚟，用咗好似整risotto嘅方法， 混合忌廉同海鲜一齐焗。 啲椰青咁样整法好香，但比较腻，食细细碗都饱2） 青咖哩虾 大致水准ok，系creamy嘅青咖哩， 啲虾虽然唔系好大只，但新鲜3） 明炉烤鱼 我觉得佢做得未够醒胃，唔系好够酸香辣。 有小小失败笔嘅位就系佢个炉啲火太大太猛，所以条乌头老得好快， 本身亦腌得唔够入味，鱼鳞打得唔太干净。整体唔差，不过可以改进4） 肥牛喇沙粉 汤底做得几好，够香浓， 啲粉亦都煮得好入味，大致良好，系啲粉煮得有点得过熟5） 椰子鸡汤（四至六人份量） 呢个当汤真系唔太推介，当𩠌就唔错既。当汤既话感觉上好似饮咗一锅𩠌嘅汁， 味浓， 但入面几多料，用来送饭都啱嘅喺油尖旺边度会有地方可以畀我哋五个人坐喺度倾哲学嘅话题倾成晚？ 呢度个环境其实真系唔错, 整体食物水平都可以啦。 一讲起哲学话题，又谂起你，我估你哋一定做到好朋友大把野倾姐：）