影片
更多
2021-04-24
404 浏览
今日系铜锣湾试咗依间新派泰国菜，装修靓之余食物亦高质，甚有异国风情。店员特别推介嘅黄咖喱蟹系我地好钟意嘅菜式，肉蟹按market price收费但绝对系一分钱一分货－肉蟹非常大只，啖啖肉够鲜味，吸晒咖喱嘅精华每一啖都好滋味；黄咖喱唔辣，加咗蛋浆煮所以做到浓稠得嚟绵滑嘅口感，配上脆卜卜嘅法式蒜蓉包真系非常好食！唔洗去海南岛都食到好味嘅海南鸡～泰式煮法嘅海南鸡冇酱油浸住，更突显鸡肉嘅味道，无论系鸡胸鸡髀都厚肉嫩滑，鸡皮少许爽口食埋都唔觉肥腻，点埋泰式辣汁更加正！大虾冬阴功炒饭亦系惹味嘅选择，冬阴功酱味道酸辣香浓，唧啲青柠汁平衡番更开胃，大虾肉质弹牙虾头仲有膏添～餐厅仲有一系列加入泰国元素嘅Cocktail同Mocktail，Bartender推介我饮依杯Chiang Mai Darling，混合咗橙汁、蔓越莓汁同蜜桃果蓉，食完丰盛嘅一餐最啱饮番杯酸酸甜甜嘅特饮；椰青好清甜，啲椰肉仲好易起可以当埋甜品食😋用餐期间店员都有关心下我地对食物满唔满意，服务周到，喺度推介比各位钟意食泰国菜嘅朋友仔去试下☺️
店员特别推介嘅黄咖喱蟹系我地好钟意嘅菜式，肉蟹按market price收费但绝对系一分钱一分货－肉蟹非常大只，啖啖肉够鲜味，吸晒咖喱嘅精华每一啖都好滋味；黄咖喱唔辣，加咗蛋浆煮所以做到浓稠得嚟绵滑嘅口感，配上脆卜卜嘅法式蒜蓉包真系非常好食！
唔洗去海南岛都食到好味嘅海南鸡～泰式煮法嘅海南鸡冇酱油浸住，更突显鸡肉嘅味道，无论系鸡胸鸡髀都厚肉嫩滑，鸡皮少许爽口食埋都唔觉肥腻，点埋泰式辣汁更加正！
大虾冬阴功炒饭亦系惹味嘅选择，冬阴功酱味道酸辣香浓，唧啲青柠汁平衡番更开胃，大虾肉质弹牙虾头仲有膏添～
餐厅仲有一系列加入泰国元素嘅Cocktail同Mocktail，Bartender推介我饮依杯Chiang Mai Darling，混合咗橙汁、蔓越莓汁同蜜桃果蓉，食完丰盛嘅一餐最啱饮番杯酸酸甜甜嘅特饮；椰青好清甜，啲椰肉仲好易起可以当埋甜品食😋
用餐期间店员都有关心下我地对食物满唔满意，服务周到，喺度推介比各位钟意食泰国菜嘅朋友仔去试下☺️
张贴
