影片
更多
2019-04-27
319 浏览
收工之后同朋友嚟到美丽华一期嘅 葡汇咪走鸡葡国餐厅～七点前嚟到，见到餐厅啲空枱上面已经放满晒预约嘅牌仔，我哋坐低研究左menu 一阵，已经见到一批批客人陆续进场。因为我哋三个人都好肚饿所以我哋都叫咗唔少嘢食。首先叫咗个里斯本沙律，沙律睇落同食落新鲜都唔再讲，特别欣赏厨师在用料同配色上亦都下了工夫，好难得会喺沙律上面见到风干火腿、杏脯干、无花果干同洋葱，colourful之余， 口感食落非常之丰富，一碟沙律有齐唔同嘅营养，很开胃同埋健康，呢个沙律已经为我哋美好嘅一餐打响咗头炮。葡式洋葱胡椒虾， 胡椒味非常之浓郁，但系又唔会过火，唔会太过刺激。重点系每只虾都非常大只， 每一只虾仲粗过我只手指，虾肉够弹牙，唔会有雪藏虾𠮶种林嘅感觉！ 而虾下面系堆满一大堆切丝嘅洋葱，洋葱煮到透明，渗满胡椒味，净食洋葱好够惹味！另外，个人好欣赏厨师的细心，在每只虾上面也适当处理过，令讨厌在餐厅用刀叉切虾食既人（即系我）都可以好方便且优雅地将虾壳同肉分离！即刻食多几只啊！！白砵酒烩鸡加面包，非常大盘同足料，两大块鸡煮得非常入味，酱汁非常浓郁不油腻，配面包一流！1/4只乳猪，不得了！！乳猪外皮烧得非常香脆，放入口咬
因为我哋三个人都好肚饿所以我哋都叫咗唔少嘢食。
首先叫咗个里斯本沙律，沙律睇落同食落新鲜都唔再讲，特别欣赏厨师在用料同配色上亦都下了工夫，好难得会喺沙律上面见到风干火腿、杏脯干、无花果干同洋葱，colourful之余， 口感食落非常之丰富，一碟沙律有齐唔同嘅营养，很开胃同埋健康，呢个沙律已经为我哋美好嘅一餐打响咗头炮。
葡式洋葱胡椒虾， 胡椒味非常之浓郁，但系又唔会过火，唔会太过刺激。重点系每只虾都非常大只， 每一只虾仲粗过我只手指，虾肉够弹牙，唔会有雪藏虾𠮶种林嘅感觉！ 而虾下面系堆满一大堆切丝嘅洋葱，洋葱煮到透明，渗满胡椒味，净食洋葱好够惹味！另外，个人好欣赏厨师的细心，在每只虾上面也适当处理过，令讨厌在餐厅用刀叉切虾食既人（即系我）都可以好方便且优雅地将虾壳同肉分离！即刻食多几只啊！！
白砵酒烩鸡加面包，非常大盘同足料，两大块鸡煮得非常入味，酱汁非常浓郁不油腻，配面包一流！
1/4只乳猪，不得了！！乳猪外皮烧得非常香脆，放入口咬，旁边的朋友都清楚听到那大大的香脆声！乳猪肉嫩滑且充满肉汁，肉仲有相当的厚度！至今仍让人回味而不能自拔啊啊啊啊！
上面讲嘅咁多款菜式我都非常之满意，但系最最最令我喜出望外同、非常非常值得推介畀大家嘅就系呢个葡式西多士啦！我咁大个女都系第一次食咁好食嘅西多士炸！！明明系一个甜品但系一啲都唔会过甜同死甜， 佢嘅口感有啲类似沙翁嘅感觉，但系佢外层又畀沙翁硬少少，多点口感， 烟烟韧韧， 但系佢内层又比沙翁更加软绵绵，有口感既同时又有啲似绵花糖嘅感觉，松松软软，对住呢个甜品我真系辞穷呀，只能说真系非常之好食！！同蓝莓红莓mix埋一齐黎食酸酸甜甜更令人欲罢不能！！
大食既我哋仲叫咗红砵酒、白砵酒同埋咖啡雪糕，三款都好正，上桌时有干冰放喺下面，侍应仲好细心咁帮你摆好晒位比我地影靓相。加水时干冰迅速造成烟雾弥漫既效果，非常之浪漫同梦幻！简直系影相呃like一流之选！ 红砵酒仲有果肉喺入面，我第一啖食落啲果肉到简直系酒香四溢！咖啡雪糕咖啡味超浓郁， 仲有咖啡碎粒喺入面！因为我个人都几钟意饮咖啡所以我好欣赏呢个咖啡雪糕！
餐厅食物质素一流，环境又坐得好舒服，座位阔落，环境有又够开扬，更加值得特别一赞嘅系侍应全部都好有礼貌，员工亲切友善，反应又好快，好留心客人嘅需要同埋用餐嘅进度，令到客人喺每一碟𩠌菜之间都唔需要等太耐，但系又有足够嘅时间同空间去同朋友倾偈 。
总之一整个用餐过程都系非常之舒服，气氛好好，一流嘅餐厅系需要一流嘅食物同埋一流嘅员工！！
张贴
