法國飯店

营业中

休息中

喺屯门黄金海岸玩完食埋嘢就拣咗呢间法国饭店餐厅，环境干净企理好似都几唔错，以下就同大家分享下我哋叫嘅食物质素同味道😎。呢个炭烧美国安格斯纯黑牛肉眼扒卖相十分之吸引，好靓嘅网烧坑纹令到人更加想试下咩味道，烧至7成熟就岩岩好，满满嘅肉汁又带有阵阵牛肉嘅香味。而呢个炭烧西班牙黑豚鞍排都唔错，因为本身我唔食牛，所以就叫咗呢个，估唔到虽然系猪，但系肉质都一啲都唔会鞋，同埋烧完都会keep住有肉汁jucy嘅感觉。见到佢哋仲有其他好多唔同嘅法国菜，下次如果有机会再嚟一定会试吓佢哋𠮶个法式油封烧鸭腿！因为见到好多人都有叫呢个🤪