Chilli Lime (MONTEREY Place)

营业中

休息中

呢间餐厅平时经过咗无数次，外面望以为平平无奇，今次入到去发现环境又chill 又有格调，今晚仲见到有2枱人系度庆生添。食物方面有好多选择，越式、泰式、印度嘅嘢食都有，而且都几高质！ 🤍《泰式椰菜苗》钟意蒜蓉嘅一定要嗌呢个炒菜，用咗新鲜蒜蓉加炸蒜去炒， 入口蒜香大爆发！ 热腾腾嘅菜苗亦炒得够嫩口，正！🤍《天多利烤鲈鱼》呢条鲈鱼用咗印度出名tandoori 烤鸡嘅方式去整 ，用大量的香料同希腊乳酪腌制，令香味封锁在鱼肉入面，食落仲有烟熏味，点埋个薄荷酱就完美喇🤍《越式软壳蟹米纸卷》包住青瓜丝、甘笋丝、生菜、牛油果同软壳蟹，爽脆有咬口，加上蟹籽芥末沙律酱， 清新开胃🤍《泰式干炒河粉（鸡肉）》呢个河粉炒的够干冇黐埋一嚿嚿，入味非常，材料亦丰富：鸡肉、炒蛋、芥兰、粟米仔、椰菜花， 出色嘅系食得出有镬气！🤍 《椰子雪糕》自家制嘅椰子雪糕，食落去唔系软滑嘅口感，而系似冰沙嘅口感，雪糕入面加咗果仁增加咬口。