皇子印度餐廳 (海富樓)

营业中

休息中

团购以 $29 享一个午餐。 星期日中午 12:30pm，假期午饭时间，竟然只得 3 数张台客，地点问题，西湾河真系只可做街坊生意，重要系横街窄巷实在好难吸引到人注意，真系要有口碑才可！室内装修好靓，舒适，整齐，有２个靓仔待应同１个女待应，都系印度人，而且好友善！脆脆既威化胡椒饼，有少辣既酱汁附上，味道普通。忌廉鸡汤，真系要比俩个赞先得。忌廉鸡汤饮得多，通常都系只得忌廉味无鸡味，一直都觉得系理所当然，而且又唔系主菜，所以都好少理会，求其饮左就算。今次呢个我饮第一口，哗！好香既鸡味呀！汤既浓度适中，味道亦都适中，平时呢类汤都系求其饮下就剩下一些唔要，但呢个我饮晒呀！超.....正呀！串烧鸡（三件），鸡外层味道普通，但内层软滑，有鸡味㖞，又唔会实硬，连底下既配菜都好好味！咖哩汁，汁既味道唔会太浓，有蕃茄味，少辣，用来捞饭超正！需然饭太硬，重好似有Ｄ生咁，但因为呢个汁我食晒成碟饭呀！　补 $15 要左一杯 Strawberry Milkshake，香浓的 strawberry 同奶味，都唔错。其实佢地系有心做好菜式既，而且做得唔错呀，可借真系地点问题啰，若然设系旺区，相信会更多人食。