Puzzle Dining (已搬遷) 新店位置

今日带小朋友去马鞍山公园放电，顺便一试新开既池畔餐厅puzzle dinning。有别于一般泳池餐厅，Puzzle Dinning提供高质素西餐，但价钱非常合理。今日午餐餐汤系红菜头忌廉汤，上枱时温度味道刚刚好。另外食咗一个肉眼扒，非常有牛味，而肉质亦都非常好，生熟程度啱啱好。仲有一个自家制胡椒叉烧蛋饭，佢嘅叉烧唔系烧腊店里面𠮶啲，而系用一件高级猪肉腌完烧出黎，感受到猪肉既肉汁同鲜味。最难得系呢度居然仲有虹吸式嘅咖啡，真系好用心制作。我叫咗一杯哥伦比亚，闻到已经好香。自问系咖啡精嘅我，简直就好似发现世外桃源一样，咁近就可以饮到咁高质素嘅咖啡。所以以后一定会来，尤其是同小朋友放电，真系自己都要叉一叉电！