影片
更多
2021-11-08
126 浏览
💛#黄店依家尖沙咀隐世黄店真系好值得介绍，佢唔算好大间室内餐厅，反而系角落一间户外小店看似毫不起眼会好容易经过，不过真系几抵食而且系有质素，简单嘅装修有几幅墙画灯饰同埋bar枱，空间唔算大只有四五张高枱櫈供享用。以尖沙咀来讲晏昼价钱都唔错，夜晚嘅餐牌有啲唔同不过食物款式比较多，有小食鸡翼pizza意粉等等，Happy Hour 3-8pm饮品真系好抵饮最平$48 mocktail/$72 cocktail 已经有交易！有多款moctail、cocktail、beer~.Crazy Hour 1300-1700👓芝士黑毛猪法包 $68大有惊喜！竹炭法包，但重点系法包超级香脆好香口，唔系硬实，而馅料系满满的黑毛猪肉片，似系日式烧汁所以带香甜，然后再有一层用炙烧左嘅熔岩芝士，所以添加左一阵炙烧嘅香烤味更加惹味，个包亦非常大份相当饱肚，一个人食晒一定好饱好滞不过好满足😂另外配有粗薯条，同样好出色！炸得香脆，条条都好均匀附上味粉，所以少少香辣味好够味。评分：9/10👓肉丸意粉配香草蕃茄汁 $68同样亦好食😂意粉系煮得偏烟韧，几钟意依种有咬口嘅韧度！番茄酱底带洋葱洒上香草，味道好够浓但唔会好咸。肉
依家尖沙咀隐世黄店真系好值得介绍，佢唔算好大间室内餐厅，反而系角落一间户外小店看似毫不起眼会好容易经过，不过真系几抵食而且系有质素，简单嘅装修有几幅墙画灯饰同埋bar枱，空间唔算大只有四五张高枱櫈供享用。以尖沙咀来讲晏昼价钱都唔错，夜晚嘅餐牌有啲唔同不过食物款式比较多，有小食鸡翼pizza意粉等等，Happy Hour 3-8pm饮品真系好抵饮最平$48 mocktail/$72 cocktail 已经有交易！有多款moctail、cocktail、beer~
.
Crazy Hour 1300-1700
👓芝士黑毛猪法包 $68大有惊喜！竹炭法包，但重点系法包超级香脆好香口，唔系硬实，而馅料系满满的黑毛猪肉片，似系日式烧汁所以带香甜，然后再有一层用炙烧左嘅熔岩芝士，所以添加左一阵炙烧嘅香烤味更加惹味，个包亦非常大份相当饱肚，一个人食晒一定好饱好滞不过好满足😂
另外配有粗薯条，同样好出色！炸得香脆，条条都好均匀附上味粉，所以少少香辣味好够味。
评分：9/10
👓肉丸意粉配香草蕃茄汁 $68同样亦好食😂意粉系煮得偏烟韧，几钟意依种有咬口嘅韧度！番茄酱底带洋葱洒上香草，味道好够浓但唔会好咸。肉丸几特别，有三大粒，质感唔似普通猪肉丸咁淋可能平时出面比较多肥猪肉，佢系比较实有少少鱼肉质地嘅感觉，不过应该系有猪肉而冇牛肉，整体成个意粉系好食，但如果份量再多啲会好啲😂
评分：8/19
👓小食拼盘 $88Spring rolls春卷、Finger fish手指鱼、Fried cheese balls炸芝士、Nachos with bolognese 粟米片配肉酱
继续赞～超级丰富嘅拼盘，份量亦相当多，全部亦系炸物好邪恶，亦系新鲜热辣辣炸起非常香脆，用来做佐酒小食简直一流！
首先有四大旧炸鱼，粉浆薄好香脆而入面厚鱼肉又嫩滑，沾上沙律酱超正！然后有四大旧春卷，佢唔算𠮶种炸得好干身好硬脆，可能因为馅料系萝卜丝带点水份，同事有少少似素食春卷，不过炸物好漏所以唔使食咁多肉馅都岩。然后有大约八粒嘅炸芝士，总之系好多粒，不过佢唔系芝士条𠮶种拉丝芝士，反而似芝士酱所以都比较漏。然后底部有大量粟米片，香辣惹味可口，会不自觉食上瘾，仲会附上一兜芝士酱，沾咩食都好夹味！本身粟米片应该配有肉酱，但师傅知我哋两个小编都唔食牛所以就帮我哋走埋好细心🥰
评分：8/10
👓Green N Green- Special cocktail $125老实讲真系好特别好好饮！入口系清新嘅感觉，似有少少青瓜嘅味道不过一啲都唔会苦涩奇怪，反而系好清爽，带有少少青苹果嘅酸甜味额外添上一份清新感觉，而且唔会好重酒精味，比较易入口同埋不自觉就饮晒。
评分：8.5/10
👓Peach Slush- Special cocktail $125
同样比较易入口唔算好重酒精味，少少香甜嘅桃味不过唔算好甜。卖相亦好靓，串上一片桃又有块叶装饰。
评分：8/10
张贴
