細蓉記 (已結業)

今日同朋友随缘揾间餐厅食午饭， 经过见呢间餐厅好大，有好多食物种类选择， 我哋就决定入去试下。餐厅主要有几类食物， 包括云吞面、盅头饭及点心， 我地各自叫咗一碗云吞面同一碟油菜。 云吞面~ 闻起嚟非常香 ，我唔sure，但觉得好似虾子味。 云吞皮薄馅靓， 啲虾好新鲜好弹牙， 好好食。 汤底咸淡适中， 食完唔会好口渴， 应该冇乜味精。菜心~ 烚得软硬到啱啱好， 加咗少少熟油，好香。我哋坐卡位，对面有两位好斯文嘅日本藉太太， 佢哋order咗虾饺同烧卖， 睇起上嚟好似好好食，于是我哋又跟佢哋order。佢地见我地跟佢地order, 竖起手指公点头笑住同我地讲 : Oishi 虾饺 ~ 皮又薄又滑，馅又靓， 虾好新鲜， 一客两件，两个人食啱啱好。烧卖~ 比虾饺更好味， 馅料同口感更丰富， 都系一客两件。Overall黎讲，呢间餐厅嘅食品真系几Oishi ，值得推介!下次我会试佢地嘅蒸盅头饭，见d靓仔食得好滋味咁。