新新酒家

营业中

休息中

唔止黎过一次呢间新新酒家，今年转左系铜锣湾返工，食晏就饭除左要早Ｄ之外，想找个静少少又唔会比人催住走嘅地方食饭都几难。我谂大大话话都有十几次，同埋同事一齐嚟食晏，都几钟意黎呢度，好多时人多庆祝生日、聚会都会考虑呢度，最主要系近公司同易有大枱坐，唔迫又唔赶，静静地可以同同事朋友倾下计轻松下，同埋价钱都算收得合适，相比其他茶餐厅，系铜锣湾闲闲地收七八十蚊一个餐，呢度算系咁。今天同同事庆祝生日，梗系选择新新喇。叫左多款点心之外，当然唔少得有抵食夹大件嘅孖宝优惠，有饭又有小炒。讲返味道，咁多款点心和炒饭水准都唔错，烧卖同虾饺真系几好味，传统做法，烧卖有肉粒唔系净系得虾肉，炒饭嘅材料十足又大碟，叫两碟已够哂十几人食。唔止点心，仲有甜品都几有水准，红枣糕同姜汁糕都好好味，奶皇流沙包系必叫。埋单计番大约每人都系唔洗60蚊，仲系食到好饱。