Season Oyster & Wine Bar (已結業)

间餐厅系内街有啲难揾，揾左一轮先揾到。餐厅有两层，我同朋友被安排坐上层。上层楼底矮，周围既倾偈声困住晒，好嘈。而且冷气啲风好劲，吹到正，之后叫左侍应较一较个冷气叶。张櫈系铁櫈，坐得唔系太舒服。每张枱都有一个按钟，方便顾客点餐，但㩒左等左阵系冇人黎既。所以咁啱有侍应上左黎，就要把握机会叫住佢啦！谂住叫烧海胆芝士多士，点知侍应话焗炉坏左，所有焗野都冇。最后点左白酒生蚝套餐、牛肝菌意大利饭、日式酱煮鱿鱼筒。等左半个钟，咩都未黎。咁催一催叫佢上住杯酒先啦同顺便加日本一口和牛粒。之后都等左十分钟先上杯酒。牛肝菌意大利饭，味道系ok既，但唔够热日式酱煮鱿鱼筒，味道唔错，可惜又系唔够热食完个两味，生蚝都未到，又追一追。等左一阵就送黎啦，怀疑佢系漏左单。本应系第一度菜，变左最尾，无奈。生蚝其实几肥美几鲜既。其间隔离枱觉得冻又去较个冷气叶，啲风又吹返落我地度，唉好冻。一口牛等左好耐都未黎，已经追左两次。第三次同佢讲如果未整就取消。过左一轮，侍应话已经帮我地取消左。哦，好，咁冻都唔想再等，唔食都罢。食物系可以，但环境同服务都唔掂，应该冇下次。