影片
更多
2016-10-16
2840 浏览
平时OPENRICE都系得个睇字, 今次真系有D不吐不快!见咁多好评，一早约左同男朋友庆祝生日。预左D侍应会快手快脚，估唔到佢地真系行得好快，讲野又快。一黎上左篮面包，佢个“听唔到唔知咩”酱都几好味，可以另外叫黑醏，不过同个酱夹D。叫左六只生蚝 (Gillardeau 买2送1), 食落去新鲜, 带少许金属味, 建议唔落佢个酱汁, 因为会盖住生蚝味。不过好笑既系, 个侍应放低左六只生蚝之后, 我地影完相谂住食啦, 佢拎住一盘3只既行埋黎, 问都无问我地, 就拎起左我地盘6只生蚝, 我出声话 "我地都叫左6只", 佢拎走左问一问人, 再放番低, 都几有礼貌下!之后黎左两个前菜, 带子无咩鲜甜味, 得少少SAUCE味, 个SAUCE可以再好味D。之于个63度温泉蛋杂菌, 算不过不失既~然后就上黑毛猪同牛柳。牛柳几有牛味, 配埋佢个芥末, 几好味。至于黑毛猪, 唔"鞋"口, 整得好嫩, 唔错! 系有少少肥, 食食下都有D滞。食完, 叫埋杯咖啡, 佢上左个唔好食既曲奇。订个阵话男朋友生日, 可以系个甜品写男朋友个名, 就叫左个芒果CAKE加雪芭。个侍应点蜡烛放低左, 好开心咁许愿吹蜡烛, 想食
见咁多好评，一早约左同男朋友庆祝生日。
预左D侍应会快手快脚，估唔到佢地真系行得好快，讲野又快。
一黎上左篮面包，佢个“听唔到唔知咩”酱都几好味，可以另外叫黑醏，不过同个酱夹D。
叫左六只生蚝 (Gillardeau 买2送1), 食落去新鲜, 带少许金属味, 建议唔落佢个酱汁, 因为会盖住生蚝味。不过好笑既系, 个侍应放低左六只生蚝之后, 我地影完相谂住食啦, 佢拎住一盘3只既行埋黎, 问都无问我地, 就拎起左我地盘6只生蚝, 我出声话 "我地都叫左6只", 佢拎走左问一问人, 再放番低, 都几有礼貌下!
之后黎左两个前菜, 带子无咩鲜甜味, 得少少SAUCE味, 个SAUCE可以再好味D。之于个63度温泉蛋杂菌, 算不过不失既~
然后就上黑毛猪同牛柳。牛柳几有牛味, 配埋佢个芥末, 几好味。
至于黑毛猪, 唔"鞋"口, 整得好嫩, 唔错! 系有少少肥, 食食下都有D滞。
食完, 叫埋杯咖啡, 佢上左个唔好食既曲奇。
订个阵话男朋友生日, 可以系个甜品写男朋友个名, 就叫左个芒果CAKE加雪芭。个侍应点蜡烛放低左, 好开心咁许愿吹蜡烛, 想食个阵, 个侍应走埋黎话 "唔好意思呀, 我掉转左个甜品呀, 呢个先系你地嫁", 望一望个名, 先发觉个甜品写左人地个名, 我地吹错左人地个甜品, 我真系得啖笑同有D庆....!!!! 真系有冇搞错..... 甜品几普通下, 我见到佢个甜品, 应该系系K11个间连锁甜品店订番黎, 因为番屋企个阵见到佢送错左个个甜品, 个间野有得卖。
最后埋单950蚊。如果唔加生蚝同埋食D中价位既餐(1XX-3XX) 系OK既。但如果要俾950蚊, 系个唔算宁静, 又急促(佢唔系赶你走, 但佢地赶头赶命咁), 又频频出错, 服务麻麻既地方, 就要谂谂。
张贴
