沙田18

营业中

休息中

由大学站行过去需时5-7分钟，餐厅位于酒店嘅4楼。入到餐厅双眼好唔得闲，因为餐厅左右两边都有设有开放式厨房，一路行一路欣赏厨师准备食物！经过开放式厨房后立即又见一排落地大玻璃，外面虽然冇咩景色可言，但系整个空间好整洁光猛，配上木制嘅餐桌，优雅舒适。食物方面我哋叫几款点心同烧味叉烧系好靓嘅半肥瘦三层肉，咬落去肥肉融化，瘦肉嫩滑，好好食。如果唔系因为自己最近戒食淀粉质，一定叫翻碗白饭嚟送下！厚街腊味煎鱼饼，呢个系我非常期待嘅一道菜，除咗系因为平时食中菜好少食到之外，鲮鱼同腊肠系我嘅至爱。鱼饼上枱时胀卜卜热辣辣，而且有阵阵咸香味，咬落去唔系死实，而系外皮脆，入面松软，不过鱼味略嫌淡咗少少。最值得一赞系肠粉！真系好好食。肠粉外皮又薄又滑，馅料丰富。瑶柱味突出，配合花蚌，非常鲜味！x 100 服务方面有待改善，部分职员未有留意顾客需要，举手好耐都无人睇到。另外一个疑似较高级嘅黑色西装职员态度不太友善，无笑容不在话下，无论落单埋单佢都无任何回应。