Coti the Bistro (企業廣場)

营业中

休息中

今日去九龙湾邮政局攞邮包，顺便又帮衬下好一阵子冇品尝过嘅Coti the Bistro。Menu内食物选择非常多，各类款式齐备。而我就最钟意呢度嘅咖啡，好多都相当有特色。南瓜汤属于佢哋自家制嘅出品，非常香滑。鳗鱼贝果配炸蕃薯条，呢个配搭非常新颖，大大条鳗鱼大概有三份二外露出嚟，非常有气势。馅料亦都相当丰富，包括有芝士、炒蛋、蕃茄、生菜，当然仲有主角鳗鱼一大条。另外就叫咗个蟹肉牛油果配窝夫，仲有沙律拌碟，沙律有沙律菜同新鲜生果，非常清新。而佢嘅窝夫系有啲似丹麦面包𠮶种酥脆嘅效果，所以充满牛油香味，非常可口。蟹肉牛油果上面加入蟹肉沙律，除咗有蟹肉之外，仲有青瓜粒、洋葱粒等等，再加咗少少辣椒碎作调味，我就好钟意呢个配搭。焦糖布甸咖啡上面系一层薄薄嘅焦糖，咖啡够滑够浓，非常出色！冻朱古力加咗忌廉，特别香滑。