影片
更多
2024-11-15
573 浏览
老友同我庆生，我就拣咗呢度试！🥳尖沙咀区地点都好方便同易揾，美丽华酒店直行金巴利广场斜对面。朋友已经到咗，我有事迟咗少少07:0Xpm到，未入喺门口已经见到入边非常之热闹，可能系happy hour，差唔多坐满人，店家好贴心，帮我哋安排最入边张枱比较静。之前有做功课研究过餐牌，3个人我哋叫咗个二人套餐，但主菜就改咗，冇咗想试嘅火焰香草烤三黄鸡，本身谂住都叫多少少嘢㗎啦，所以大家就话散叫啦！😅今日餐汤系周打鱼，但因为我唔食鱼，所以就加钱upgrade咗龙虾汤，店家好贴心送多一个餐汤俾我哋。😘周打鱼汤正常，龙虾汤非常之浓郁，而且有个迷你牛角包🥐，好味。两款前菜，想拣海胆牛角酥但冇，所以就拣矶煮鲍鱼&烧牛肉他他配牛油果🥑，两个前菜卖相都几精致，鲍鱼正常，新鲜味道唔错，烧牛肉他他有惊喜，味道好而且份量一啲都唔少🥑亦好新鲜。两杯饮品我哋拣咗唔使钱嘅玫瑰荔枝茶，呢个就好普通，而且味道比较淡。饭或意粉拣咗香草忌廉意大利饭，意大利饭整得好合格，而且料亦唔少，味道亦好，细细碟但佢同烧牛肉他他都有啲腻，食咗之后觉得有少少饱感。😳主菜比较耐上，而且仲有只鸡，所以初头想取消只鸡，但大家都想试而且可能都整紧，所
之前有做功课研究过餐牌，3个人我哋叫咗个二人套餐，但主菜就改咗，冇咗想试嘅火焰香草烤三黄鸡，本身谂住都叫多少少嘢㗎啦，所以大家就话散叫啦！😅今日餐汤系周打鱼，但因为我唔食鱼，所以就加钱upgrade咗龙虾汤，店家好贴心送多一个餐汤俾我哋。😘周打鱼汤正常，龙虾汤非常之浓郁，而且有个迷你牛角包🥐，好味。两款前菜，想拣海胆牛角酥但冇，所以就拣矶煮鲍鱼&烧牛肉他他配牛油果🥑，两个前菜卖相都几精致，鲍鱼正常，新鲜味道唔错，烧牛肉他他有惊喜，味道好而且份量一啲都唔少🥑亦好新鲜。两杯饮品我哋拣咗唔使钱嘅玫瑰荔枝茶，呢个就好普通，而且味道比较淡。饭或意粉拣咗香草忌廉意大利饭，意大利饭整得好合格，而且料亦唔少，味道亦好，细细碟但佢同烧牛肉他他都有啲腻，食咗之后觉得有少少饱感。😳主菜比较耐上，而且仲有只鸡，所以初头想取消只鸡，但大家都想试而且可能都整紧，所以话食唔晒就拎走啦！🤣牛柳配大虾，叫七成最好再熟少少，因为我哋三个都怕生，特别我两个friend平时见少少类似血水（肉汁）佢哋都会唔多食。🙈上嚟切开其实应该啱啱七成，切开都有唔少肉汁嘅，所以佢哋两个就食头尾我就食中间，牛柳质素唔差，切落去感觉比我哋预期生，但冇平时有啲太生嚼唔多到，所以真心唔错。👍🏻之后期待嘅🔥烧鸡到场，真系几有惊喜，而且估唔到咁大只，所以都要问佢攞个盒拎走半只，如果二人餐本身个主菜有得拣佢，我哋三个女仔可能叫多一个小食或前菜已经好够，咁就抵食经济啲，只鸡真系冇叫错，好味之余而且好滑，连平时比较嚡嘅鸡胸佢都唔嚡，呢个真系值得试。🤤最尾仲有惊喜，老友订位时候讲咗有朋友生日，店家话尽量安排，最后都安排咗小蛋糕同火焰烛火💥，今日用餐过程非常之开心，店员全部都好有礼貌而且态度好好，估唔到英伦风楼上吧食物质素一啲都唔差，真系值得一试，过咗一个愉快嘅晚上。🥰
利申只系上网search见到呢间餐厅去试，冇任何用餐款待或试食优惠，两个朋友请我食生日饭，加埋一应该$10XX左右，店家净系送多个餐汤同生日蛋糕仔俾我哋。😅我见店家都好识做同埋好好礼貌，所以先写咁大段食评支持吓。😛
张贴
