Fullhouse Signature (已結業)

朋友生日想食西餐，于是拣左这间餐厅。一见门面就想影相，好梦幻feel，啱哂一班女仔约出来食饭倾计。睇左menu，决定唔要set dinner，因为甜唔唔啱食。5个女仔拣左4个main course，前菜拼盘，同甜品拼盘。前菜拼盘有多款小食，其中我比较喜欢炸鸡同蕃茄。多款主菜中，猪肋骨最好味，个汁都好开胃。我觉得个T bone肉质唔太嫩，不过味道还可以。最期待系个甜品拼盘，因为朋友生日，所以加$30加多个生日朱古力牌。心太软最好味，溶出朱古力酱好浓郁。奶冻嘅奶味十足香滑。综合而言，食物唔错，加上环境清静，装饰梦幻，啱哂女仔影相倾计。