Lagom Kaffe (已結業)

拣两点几嚟食lunch，避开咗最多人嘅时间。餐厅面积好大，仲有户外位置，夜晚嚟chill应该好正😻两个人叫左一个意粉、一个热食、两杯饮品、两件蛋糕🍰香料鸡肉蕃茄酱长通粉🍝蕃茄酱汁浓厚，酸甜适中。第一啖唔小心食到黑椒，所以成日凝住佢好辣，越嚟越开胃。鸡扒炒得啱啱好，无雪藏味，识落，有少少柠檬香。火箭菜配搭得好好，不但增添色彩，更令到我冇咁有罪恶感。蟹肉饼斑尼迪克蛋平时食egg benefict下面都跟sourdough同火腿，已经食到有啲厌。如果唔食碳水，蟹饼应该系一个唔错嘅选择。荷兰酱酸酸甜甜，上面有少少蟹子点缀，水波蛋望落好饱满，见到想一啖食落肚！旁边嘅沙律绝对唔颓，有秋葵、青瓜、raddish、罗马生菜、蓝莓等配搭，中和左、荷兰酱同水波蛋嘅肥腻感🫶🏻Brownies 跟餐加钱就可以叫，望落已经知道实的的嘅brownies😍果然不负我所料，仲有精美摆盘！士多啤梨挞睇图片有𠮶种日式士多啤梨挞嘅感觉，上菜嘅时候，发现佢加咗啲士多啤梨酱，好似出边卖紧60几蚊一件咁，超抵食！