Mini Club (已結業)

呢间餐厅环境比较暗小小, 灯光各样野都整到几靓.食物精致好食.沙律十分大碟, 菜多, 带小小肉,肉比较咸, 但系夹埋d菜一齐食会中和返个味道!牛粒系咁多样入面我觉得最好食,第一系佢好软, 好弹牙既感觉, 但又唔系过生既个种软, 好易咬,味道好入味, 中意点埋d汁味道会更浓, 但就咁食味道都好够.酱有小小似韩式酱.呢到既cocktail 比较精美, 味道黎讲都好特别, 鸭仔会有埋爆炸糖,唔知系唔系边饮边爆, 左边个杯就可以随意自己调酒浓度几好玩!.火焰猪就都系传统酒精起火 不过整完之后一定会㶶多小小,外皮会脆d , 内里既肉系比较爽, 味道不错, 如果配薄荷酱既话会更正!