E FOR EGG

营业中

休息中

呢日约左朋友系大围个体育馆打波，打波前就约左食晚餐，朋友拣左呢间食。我点左芝士吉列大虾定食，里面有2只大虾，配菜有泡菜，沙律菜，白饭有好多饭素。摆盘几靓，好打卡able。吉列大虾炸得好脆，同芝士好夹。饭素令个白饭加左D味，但我觉得女仔可以叫少饭正常饭量食哂真系都几饱下。我地仲叫左小食拼盘，有芝士年糕同炸鸡软骨，呢个味道正常嘅，但我觉得唔抵食，芝士年糕系一开二，摆到四旧出黎，但实际上得两旧最后食完，朋友仲想试下佢个手工蛋糕甜品，咁个日我地就要左芋泥肉松mochi盒子蛋糕。呢个其实几好食，但系个价钱真系唔抵，好细份，食两啖就无，但要$50，所以我认为呢个唔食都无所谓。饮品方面，我点左竹炭黑芝麻鲜奶(热)，个拉花好靓，然后个味道好重黑芝麻味，我觉得几好饮。Overall我觉得佢个定食系抵食嘅，我个人会recommend食佢个定食。