紅葉茶屋 (海之戀商場)

营业中

休息中

好掛住日本黑毛和牛，見到門口擺住A4黑毛和牛壽喜燒定食🤓就入咗去食，果然冇令我失望！A4黑毛和牛壽喜燒定食佢哋嘅和牛壽喜燒已經幫大家整熟咗非常之方便，上嚟嘅時候仲有少少粉紅色，咬落去有獨特嘅和牛香✨佢哋嘅牛肉汁係精粹，味道唔會太甜，感覺剛剛好。底部有好多本菇、金菇、娃娃菜、蘿蔔等等。因為係定食仲有溫泉蛋、味噌湯同前菜。額外加炸餃子小食，餃子外層煎得香脆，加少少醋已經好好食。推✨雪糕抹茶拿鐵，香濃抹茶拿鐵上面再加軟滑雲呢拿雪糕😝豪華海鮮丼茶漬飯刺身飯有三文魚、甜蝦、帶子同吞拿魚。落少少wasabi同鰹魚昆布湯茶漬，個飯變得清香！茶漬湯可以揀鰹魚昆布湯/蝦湯✨額外叫左和風炸雞盛合(雞件/雞全翼)，炸得夠脆好食！