COSMOS

营业中

休息中

因为考虑到最近疫情，所以拣咗呢间有独立房间嘅餐厅，尽量避免人多空间。房间唔系好大，如果真系讲座得舒服嘅，两个人都OK。但系如果三个人，另外一个人就要坐啲骰仔凳。知道有得唱Ｋ，系戴耳机播伴奏模式唱Ｋ。但系如果你真系要唱，一定要要求其他朋友戴上耳机。如果唔系，听到你喺度清唱会觉得好尴尬兼好好笑。 （补充：比较少新歌）所以如果你真系想去唱K嘅，都系拣返K房啦😂讲到食物，我哋一共三个人。叫咗set dinner + 薯条及鸡翅小食。set dinner 选择有三款，我哋点左其中两款。一款系牛排，另外一款系龙虾汁大虾意粉。由于前菜实在冇乜特别，所以就唔多讲！汤超级无味，好似沟水咁。主菜牛扒，好似出边街市超市腌制好、腌肉粉味劲重兼无牛肉味嘅牛排。冇得拣几成熟，冇得拣汁... 真系好唔掂（收$288！）大虾意粉，同系一般茶餐厅食冇分别（收$2XX！）我哋都冇食晒啲嘢，因为味道实在好难接受。最后连甜品都无食，直接去楼下冰室食第二转......... 佢哋有两种收费，一：拣set dinner, 二：可以单点，但每人最低消费$259 （未含服务费）成餐扣埋 discount, 埋单三个人$8XX 蚊。