少爺泰 (已結業)

几个朋友都分别介绍过这间店，所以一于去试试。侍应好细心，我地原先要拣较辣的沙律，但因为有小朋友，于是介绍我地食泰菠鸡鲜果沙律，成个沙律有好多生果，不同款式的，只系鸡有少少辣，大人细路都啱食。跟住叫左个串烧拼盘，叫了鸡、猪、牛同猪颈肉，猪颈肉同猪，尤其好味，猪串食落会有肉汁流出，好juicy 主菜方面，叫左招牌既西隆路边炸鸡，啲鸡新鲜炸起，脆卜卜，多肉既鸡部位，一样有肉汁流出，yummy 😋😋，配上大量咖哩汁点面包食，面包皮脆，配上咖哩汁，令人食到唔停得口。食完仲有好多咖哩汁，于是叫多个薄饼点汁食，试左第一口，绝对冇拣错，好薄、好脆，冇黏答答的感觉。另外叫左个猪颈肉炒芥兰，芥兰冇涩味，好清爽，猪颈肉肥美。又叫左鲜虾炒金边粉，有新鲜大虾同细虾，各有不同口感，但都好爽口。金边粉酸味味，一啲都唔觉得腻，又好贴心将辣粉放一边，细路都食到食咁多野，紧系要配饮品，叫左3款饮品😅驱魔师沙冰，有浓烈的荔枝，好味；新鲜柚子配有果肉，淡淡的柚子味，好清新；粉红小象则有士多啤梨味。整体来讲，食物好味，侍应细心。