影片
更多
2021-11-17
511 浏览
今日去完PMQ，喺附近食咗间唔错嘅越南餐厅。炸软壳蟹青木瓜芒果沙律配黄姜桂花苹果醋汁 $98呢个沙律好有惊喜！我本身好钟意食软壳蟹嘅，但呢个沙律菜真心赢咗啲软壳蟹成条街！虽然材料都系常见嘅椰菜丝、青木瓜同芒果，但个酱汁真系好出色。未食已经闻到淡淡嘅桂花香，细嚼之后香味更加澎湃，之后酸酸辣辣嘅味道慢慢浮出嚟，十分有层次。软壳蟹配咗自家制嘅咸柠汁，即系咸柠七咁嘅味，都几得意几解腻。捞檬孖宝 $82越式咖啡$25捞檬:我哋拣咗烧猪肉同埋牛腩，我唔食牛，店员主动提议将牛分碟另上，十分细心。猪肉腌得甜甜地够入味而且烧得焦香，好有越南local串烧档食到嘅风味。其他配料有青瓜薄片、生芽菜、芫荽、生菜丝同红白萝卜丝，面唔算太多，捞完之后，啖啖蔬菜，感觉健康。咖啡: 香味浓郁醇厚，咖啡味浓而不涩，加入炼奶嘅独特饮法，连我呢个唔太饮咖啡嘅人都觉得好饮。越式鸡饭 $88青柠梳打 $15点鸡肉嘅酱料分别有甜豉油、韭菜葱油、泰式酸汁三款。未点酱食之前，我习惯试吓原味嘅鸡先。去咗骨嘅鸡肉嫩滑有鸡味，而清汤都系用鸡嚟淆制，鲜甜可口。油饭够香但唔会觉得油腻，口感软糯，整体都唔错！坐低𠮶时啱啱过咗七点🥲
炸软壳蟹青木瓜芒果沙律配黄姜桂花苹果醋汁 $98
呢个沙律好有惊喜！我本身好钟意食软壳蟹嘅，但呢个沙律菜真心赢咗啲软壳蟹成条街！虽然材料都系常见嘅椰菜丝、青木瓜同芒果，但个酱汁真系好出色。未食已经闻到淡淡嘅桂花香，细嚼之后香味更加澎湃，之后酸酸辣辣嘅味道慢慢浮出嚟，十分有层次。软壳蟹配咗自家制嘅咸柠汁，即系咸柠七咁嘅味，都几得意几解腻。
捞檬孖宝 $82
越式咖啡$25
捞檬:我哋拣咗烧猪肉同埋牛腩，我唔食牛，店员主动提议将牛分碟另上，十分细心。猪肉腌得甜甜地够入味而且烧得焦香，好有越南local串烧档食到嘅风味。其他配料有青瓜薄片、生芽菜、芫荽、生菜丝同红白萝卜丝，面唔算太多，捞完之后，啖啖蔬菜，感觉健康。
咖啡: 香味浓郁醇厚，咖啡味浓而不涩，加入炼奶嘅独特饮法，连我呢个唔太饮咖啡嘅人都觉得好饮。
越式鸡饭 $88
青柠梳打 $15
点鸡肉嘅酱料分别有甜豉油、韭菜葱油、泰式酸汁三款。未点酱食之前，我习惯试吓原味嘅鸡先。去咗骨嘅鸡肉嫩滑有鸡味，而清汤都系用鸡嚟淆制，鲜甜可口。油饭够香但唔会觉得油腻，口感软糯，整体都唔错！
坐低𠮶时啱啱过咗七点🥲
张贴
