羽山冰室 (已結業)

今日返半日，放工仲要去马田村附近买嘢，临近回程时就用apps落咗羽山冰室的外卖送餐，系第一次帮衬。家人拣咗香浓蕃茄薯仔汤鲜牛肉通粉，呢个餐除咗牛肉美味外，薯仔够淋，汤够浓但又唔会太咸，通粉的口感亦满意。我拣咗椒盐鸡扒饭炒底，椒盐的份量好够，令到鸡扒的整体效果一流，而且鸡扒的份量亦好够。个炒饭够干身，食落口感满足。其中跟餐的多士，亦一啲都唔马虎！我地另外叫会咗份西多士，虽然系外卖及放咗一阵，但食的时候仲系口感OK。整体全部食物都令人满意，同时感觉到羽山冰室对食物的认真。