影片
更多
2022-06-21
546 浏览
整体嚟讲食物质素对唔起呢个价钱，且侍应态度欠佳，令人失望。🙁事缘咁啱有事去到湾仔，谂起早几日睇到呢间餐厅嘅网评推介，又系黄店，因此前往尝试。落单纸上写明需要十分钟制作时间，然而落单之后未够五分钟，呢碟温温地唔够热嘅饭就送到嚟，所以推测应该系预先整定咗嘅。不过当时未够十二点，无论外卖定系堂食，生意都根本唔算繁忙。店内座位亦都净系半满，因此觉得咁样提早煮好其实唔太合理。😕其次，和牛味道实属麻麻，畀人感觉唔多新鲜，肉味稍显怪异，仲有几粒好韧难咬嘅筋。蛋包饭嘅蛋几香亦都够滑，但系入面饭粒嘅饭香唔够，唯有沟汁伴食以增添味道。咖哩猪肉嘅咖哩味道尚可，唔似系佢哋写住话用咗咁多种材料熬制而应该有嘅水准。猪肉吸收咗咖哩嘅甜与咸，都几入味。所以嘢食滋味可以叫做系由左至右从差到好。服务方面，男侍应颇为串嘴「教」顾客做嘢，在我之后有一位男顾客畀佢大声指点，全间舖啲人听到晒望过去。虽然懒有礼貌讲咗「唔好意思」，但明显令人感觉系口是心非，可能觉得自己好巴闭？此人对我亦都相似，当时𠮶刻并冇计较因为觉得无谓，喺度讲出系希望有缘之人睇到之后，去食之前要有心理准备。😅总结就系呢间餐厅嘅食物质素同服务态度好似唔值呢个价钱，
事缘咁啱有事去到湾仔，谂起早几日睇到呢间餐厅嘅网评推介，又系黄店，因此前往尝试。
落单纸上写明需要十分钟制作时间，然而落单之后未够五分钟，呢碟温温地唔够热嘅饭就送到嚟，所以推测应该系预先整定咗嘅。不过当时未够十二点，无论外卖定系堂食，生意都根本唔算繁忙。店内座位亦都净系半满，因此觉得咁样提早煮好其实唔太合理。😕
其次，和牛味道实属麻麻，畀人感觉唔多新鲜，肉味稍显怪异，仲有几粒好韧难咬嘅筋。
蛋包饭嘅蛋几香亦都够滑，但系入面饭粒嘅饭香唔够，唯有沟汁伴食以增添味道。
咖哩猪肉嘅咖哩味道尚可，唔似系佢哋写住话用咗咁多种材料熬制而应该有嘅水准。猪肉吸收咗咖哩嘅甜与咸，都几入味。所以嘢食滋味可以叫做系由左至右从差到好。
服务方面，男侍应颇为串嘴「教」顾客做嘢，在我之后有一位男顾客畀佢大声指点，全间舖啲人听到晒望过去。虽然懒有礼貌讲咗「唔好意思」，但明显令人感觉系口是心非，可能觉得自己好巴闭？此人对我亦都相似，当时𠮶刻并冇计较因为觉得无谓，喺度讲出系希望有缘之人睇到之后，去食之前要有心理准备。😅
总结就系呢间餐厅嘅食物质素同服务态度好似唔值呢个价钱，味道净系比一般日式餐厅好少少。亦都可能系本人嘅要求同期望太高，天真以为网评推介应该唔错，以为一旧水就可以食到好味嘅蛋包饭。😂同埋唔该唔好破坏黄店声誉，态度欠佳甚至恶劣唔应该成为黄店嘅标签。
张贴
