影片
更多
2017-05-30
78 浏览
因工作关系时常周围飞外地工作，同朋友聚少离多，偶然先会约出黎见下面。最近朋友婚同升职加人工，当然要同佢庆祝一下！同朋友咁耐冇见，当然想揾个地方可以静静地倾下计食饭，所以BOOK左呢间楼上餐厅。当然BOOK之前都做过小小资料搜集，睇过下呢间餐厅的食物照片，大概都被食物吸引住，黎之前就透过whatsapp选定了ROYAL FEAST套餐，一共九道菜。生蚝，法国fine de claire，新鲜。煎西瓜拼黑鱼子酱多士，摆碟好靓好别致，睇得出有心机之作。一口吃下第一粒西瓜，味道新奇，第一次食暖暖地嘅西瓜，经煎过嘅西瓜不像平时水份充足，因为西瓜上铺满杏仁粒粒，增加西瓜的嚼口感。法国鹅肝沙律，鹅肝厚身，表皮煎得很香脆，入口即溶，上碟已经颇为吸引，加上了黑醋嘅沙律菜帮助减低当中的油腻感，相当合拍。松露酱带子刺身，一道非常惊喜嘅菜色，鲜甜且好香松露酱嘅味道，份量亦刚刚好有几片，咬落亦鲜甜爽口、嫩滑。黑松露野菌汤，闻落就已经好香菇味，用上接近三百只菇菌，感觉很浓非常足料，系主菜前先暖暖个胃，味道非常佳。日式黑鱼子酱威士忌蒸蛋，我非常喜欢呢道菜！卖相可爱之余亦用上我最喜欢嘅威士忌，蛋香滑，加左黑鱼子酱令味
生蚝，法国fine de claire，新鲜。
煎西瓜拼黑鱼子酱多士，摆碟好靓好别致，睇得出有心机之作。一口吃下第一粒西瓜，味道新奇，第一次食暖暖地嘅西瓜，经煎过嘅西瓜不像平时水份充足，因为西瓜上铺满杏仁粒粒，增加西瓜的嚼口感。
法国鹅肝沙律，鹅肝厚身，表皮煎得很香脆，入口即溶，上碟已经颇为吸引，加上了黑醋嘅沙律菜帮助减低当中的油腻感，相当合拍。
松露酱带子刺身，一道非常惊喜嘅菜色，鲜甜且好香松露酱嘅味道，份量亦刚刚好有几片，咬落亦鲜甜爽口、嫩滑。
黑松露野菌汤，闻落就已经好香菇味，用上接近三百只菇菌，感觉很浓非常足料，系主菜前先暖暖个胃，味道非常佳。
日式黑鱼子酱威士忌蒸蛋，我非常喜欢呢道菜！卖相可爱之余亦用上我最喜欢嘅威士忌，蛋香滑，加左黑鱼子酱令味道更加还突出，蛋汁亦充满威士忌味。明明在一间西化的餐厅食饭，但感觉比较似食紧日本菜。
食完蒸蛋后侍应递上了雪葩，老实说有点吓呆，为什么主菜还未来就上甜品？侍应解释说雪葩嘅作用于冲淡味蕾，清完个口就可以品尝到主菜嘅原始味道
最期望嘅主菜网烧安格斯肉眼终于上枱，点了五成熟，好香肉味色泽亦好平均，入口肉质嫩滑富有肉汁，配合酱汁更为香口。不过等候时间比前菜慢了一点点，可以快一点出菜便完美。
最后有份甜品，朱古力布朗尼松脆，唔太甜易入口。马卡龙有几款唔同味道选择，我选了柠檬味，口感同味道都唔差。
总括来说环境同食物都中上，服务亦非常贴心，除左每道菜会稍作介绍外，个男侍应见你著褛会行埋黎问你需唔需要熄部冷气，呢份体贴值得介绍朋友来。
张贴
