大井町日式放題 (已結業)

12月29日星期六，约咗朋友见面，所以订咗呢间食晚饭。已经食咗几次大井町，因为钟意佢啲嘢新鲜好食，性价比又高，写咗嘅落单纸永远唔会被神隐。我哋一入座，即刻叫咗一盘刺身，啲刺身好新鲜好好食，我哋好快清咗。😋之后就落其他嘢，一样好快好足数量咁上，不过啲烧物就无乜味道，天妇罗就够热够脆。😋😋😋就算食到中间时间叫刺身，啲数量都唔会俾人减咗，最欣赏佢哋呢点。👍🏻食到饱哂，就食甜品，虽然每位只可点一份贵价雪糕或雪条，但出面都有一啲平价雪糕雪条雪米糍任食，都满足到钟意食冻嘢嘅我。大井町已成为我约朋友聚会首选嘅地方，遇啱呢排佢哋有两周年优惠，满$400减$100，仲抵食咗。🤤