ATUM Restaurant (已結業)

呢间艺术餐厅主打西餐将食物融入艺术色彩🎨风格款款都精致 犹如一个艺术品比食客重新诠释「美与味」餐饮体验食材配搭都相当新颖大胆令人有意想不到嘅惊喜🔸生蚝 $68/each生蚝🦪有三款口味，今次试咗蝶豆花青柠冰生蚝同埋热情果冰生蚝。呢到嘅生蚝好新鲜肥美，食落好滑溜，鲜甜无比。🔸鲍鱼蟹膏酱炖饭 $188鲍鱼都几大只，腌制得入味，口感好弹牙。蟹膏味道好鲜甜，蟹味亦好浓郁。个饭都炖得啱啱好，硬度适中！🔸火炙带子·紫姜·腌制蔬菜·墨鱼汁饭 $198墨鱼汁同米饭融合埋一齐，非常之惹味。带子大大粒，火炙完仲有点焦香味，食落口感弹牙，十分高质！🔸 咸蛋黄雪糕 豆腐雪糕 黑糖腐皮 $88咸蛋黄雪糕食落奶黄味浓郁，咸甜比例控制得好好，味道刚好，唔会觉得太甜或太咸，味道好有惊喜！豆腐雪糕亦食好浓豆腐味，配埋黑糖脆皮，口感丰富。