Amber’s Table

营业中

休息中

今次去嘅餐厅有惊喜，佢嘅食物制作认真同有水准！食物方面，我地试咗海鲜冻盘，真系几丰富。有生蚝、龙虾、带子、海虾、蛏子同螺，每一样都新鲜又美味。另外叫咗大虾阔面配蕃茄罗勒汁，意粉弹牙，大虾新鲜多汁，同埋蕃茄罗勒汁好夹。烟肉眼扒拣咗五分熟，刚刚好。牛扒质感嫩滑，有烟熏嘅味道，令到牛肉更加香口。最后系梨挞，真系一个完美嘅甜品。酥皮焗得香脆，梨挞入边仲有吉士。每一口都可以感受到酥皮同梨嘅绝妙组合，真系一个令人回味无穷嘅甜品。饮品叫咗玫瑰牛奶同Florté Rose Soda。玫瑰牛奶奶味浓郁，热饮暖笠笠。而Florté Rose Soda味道好清新。