雲海滙

营业中

休息中

諗住一家三口試下呢間中菜, 點知真係中哂伏, 我地6：44分 叫左三樣餸, 一個薑蔥焗生蠔,一個帶子海皇豆腐煲,仲有一個係一蚊嘅飯餸,有文昌雞有乳鴿同埋翅選擇,咁我哋叫咗乳鴿,結果最快都係乳鴿上枱,仲上埋啲白飯,之後就慘喇,足足等了一小時,7：45分之後先再上一個帶子海皇豆腐煲, 基本上我啲白飯都已經凍到硬曬！！再過多15分鐘, 即係由頭到尾足足等咗一小時15分鐘先至上咗薑蔥焗生蠔, 職員解釋話入面得六個廚師,唔夠人做嘢, 其實喺我哋食客角度, 我點會理你入面有幾多個廚師, 我只會理我有冇飯食,有冇嘢食落肚, 同埋有個肥肥哋嘅男職員,第一次叫佢追單嘅時候,態度惡劣,叫咗一句等陣先之後都冇處理過,之後覺得自己奶嘢,到上枱嘅時候好好禮貌,睇嚟d職員都做到情緒不穩！