吉豚屋吉列豬扒專門店 (已結業)

由日本开设过嚟既海外第一分店-吉豚屋一向都系好多市民寻找猪扒质素唔错而价钱又便宜既地方，食过几次虽然有时水准不算太稳定但整体都系唔错。店内餐牌上有唔少选择，例如吉列猪扒，猪柳，鸡扒甚至沙律都有。而汁方面有和风汁，咖哩汁，猪扒汁同芝麻酱。呢碗系随猪扒定食附送既野菜豚肉汤(小)，有红萝卜，萝卜，大葱同豚肉等材料，味道几香浓。吉列猪扒定食($65)，除左猪扒之外有汤同饭。猪扒虽然无咩肉味，但猪扒同炸浆无分离既情况出现，猪扒肉质松化，唔会太chewy，几香脆，咁既价钱有咁既质素其实算唔错。整体嚟讲，吉豚屋既价钱系平，而质素虽然同顶级有一大段距离但其实咁既价钱有咁既质素又真系无咩可以挑剔。