影片
更多
2024-02-09
265 浏览
由2019开始都间唔中帮衬嘅旧客，冇估到宜家可以咁痴线。一入门口已经觉得不妙，食西餐嘅地方，门口摆个劲大但冇嘢嘅鱼缸，唔知以为入咗水族馆。坐低之后，上嚟OpenRice望两眼，见到话呢到顶咗手，然后一堆负评，话食物难食、老板要赚到尽，就更加惊，但心谂始终帮衬咁多年，畀次机会佢啦。叫咗两个dinner set，餐汤一送上嚟，哗，卖相好好㖞，一饮，完全无味，好似饮紧生粉沟水咁；主菜，平心而论，其实ok嘅，只系对唔住人均二百五以上嘅定价，个牛排酱都系冇味，落咗蒜头，变坏咗果种。汤唔惦，主菜尚可，咁试埋甜品啦。最经典嘅地方嚟啦，脑细话，唔好意思，冇晒甜品喇。我听到之后，对眼差啲飞出咗砵兰街，去到弥敦道尽头。我入去之后，根本冇新嘅客人入过嚟，冇甜品，落单果阵你唔讲？脑细问，张单九折可以嘛？其实计一计都知，我单点汤、主菜同饮品，个差价都唔只呢10%啦，但算啦，九折就九折。埋单前，脑细好似好有歉意咁走过嚟，送多两杯餐饮畀我哋，如果个故事系咁完结，都算不过不失。但埋单后我对单，哗，冇九折到㖞。揾埋脑细，佢先系话自己唔记得咗九折，跟手补多句：「我送咗两杯嘢饮畀你哋，谂住同甜品差唔多嘛。」Ok，即系连九折
一入门口已经觉得不妙，食西餐嘅地方，门口摆个劲大但冇嘢嘅鱼缸，唔知以为入咗水族馆。
坐低之后，上嚟OpenRice望两眼，见到话呢到顶咗手，然后一堆负评，话食物难食、老板要赚到尽，就更加惊，但心谂始终帮衬咁多年，畀次机会佢啦。
叫咗两个dinner set，餐汤一送上嚟，哗，卖相好好㖞，一饮，完全无味，好似饮紧生粉沟水咁；主菜，平心而论，其实ok嘅，只系对唔住人均二百五以上嘅定价，个牛排酱都系冇味，落咗蒜头，变坏咗果种。
汤唔惦，主菜尚可，咁试埋甜品啦。
最经典嘅地方嚟啦，脑细话，唔好意思，冇晒甜品喇。
我听到之后，对眼差啲飞出咗砵兰街，去到弥敦道尽头。我入去之后，根本冇新嘅客人入过嚟，冇甜品，落单果阵你唔讲？
脑细问，张单九折可以嘛？其实计一计都知，我单点汤、主菜同饮品，个差价都唔只呢10%啦，但算啦，九折就九折。
埋单前，脑细好似好有歉意咁走过嚟，送多两杯餐饮畀我哋，如果个故事系咁完结，都算不过不失。
但埋单后我对单，哗，冇九折到㖞。揾埋脑细，佢先系话自己唔记得咗九折，跟手补多句：「我送咗两杯嘢饮畀你哋，谂住同甜品差唔多嘛。」
Ok，即系连九折都觉得蚀畀我，要赚到尽，老千餐厅一间。
最后搞一轮，又话冇散纸又话呢样果样，先现金退返钱畀我。
果两杯嘢？冇饮，冲到稀过佢个生粉汤，都唔知系咪特登。
张贴