影片
更多
2015-09-22
368 浏览
今晚约左朋友食饭，因为朋友都喺呢头返工，所以就约收工喺长沙湾地铁站等。去到我地就揾下附近有咩嘢食啦，行行下见到有间西餐厅，门面不算显眼，行过睇到佢贴出嚟啲餐牌价钱唔贵、望望入面环境又唔会坐得密密麻麻，昏黄嘅灯光兼够静静地可以倾下计，于是我地3个人就随便试下啦，反正都系旨在吹吹水。店舖地方唔大，简简单单嘅布置，有两个黑板手写上甜品餐牌和主菜餐牌，亲民而又感觉舒服。睇下餐牌有咩食先，小食有好多款、精选就有猪仔骨、咸猪手同猪柳，仲有6款主菜，有多款意粉、同埋4款饭类，最重要系原来呢度有甜品食的，跟餐叫仲会平啲。菜谱虽然选择唔算多，但系好似样样都系精选咁，睇食物相已经觉得好吸引，我地又有点选择困难症，都系问问老板娘有咩好食先，老板娘推介谷饲法式猪扒同澳洲牛柳，但朋友都不食牛，所以我地叫左猪扒、同咸猪手试试先。 烤焗咸猪手配酸椰菜$105猪手经调味后再风干，再用高温烤焗，个皮好脆，肉质咸味适中，随猪手配埋意大利陈醋，芥末，同洋葱汁任君选择，我个人喜欢蘸上陈醋，口味酸甜，陈醋嘅香醇更能带出猪手咸香味道，仲可以中和食猪手嘅饱饱滞滞感觉，食多少少都唔觉腻。烤焗咸猪手配酸椰菜个价钱先$105，猪手份量
店舖地方唔大，简简单单嘅布置，有两个黑板手写上甜品餐牌和主菜餐牌，亲民而又感觉舒服。睇下餐牌有咩食先，小食有好多款、精选就有猪仔骨、咸猪手同猪柳，仲有6款主菜，有多款意粉、同埋4款饭类，最重要系原来呢度有甜品食的，跟餐叫仲会平啲。
菜谱虽然选择唔算多，但系好似样样都系精选咁，睇食物相已经觉得好吸引，我地又有点选择困难症，都系问问老板娘有咩好食先，老板娘推介谷饲法式猪扒同澳洲牛柳，但朋友都不食牛，所以我地叫左猪扒、同咸猪手试试先。
烤焗咸猪手配酸椰菜
$105
30 浏览
0 赞好
0 留言
猪手经调味后再风干，再用高温烤焗，个皮好脆，肉质咸味适中，随猪手配埋意大利陈醋，芥末，同洋葱汁任君选择，我个人喜欢蘸上陈醋，口味酸甜，陈醋嘅香醇更能带出猪手咸香味道，仲可以中和食猪手嘅饱饱滞滞感觉，食多少少都唔觉腻。烤焗咸猪手配酸椰菜个价钱先$105，猪手份量亦都唔细，我地3个人食都可以食到饱，况且整咸猪手又要咁多功夫，卖咁嘅价钱大家又点睇?
香煎美国谷饲法式猪扒
$138
35 浏览
2 赞好
0 留言
一放底已经闻到好香烤肉味，更惊喜的是原来有两大块成吋厚嘅猪扒，如果我地一个人食都未必食得晒。猪扒本身煎得已经好好，唔会太干，再淋上了甜黄椒和黑橄榄汁，口感更丰富，色香味俱全。意粉是分开上的，拌有少少蒜蓉和橄榄油，简单一碟意粉也绝不会马虎。
葡汁焗西兰花
$35
19 浏览
0 赞好
0 留言
简简单单的一个小食，面头系葡汁和一些芝士，金黄色面层焗得微微带焦，一夹起西兰花就有丝丝嘅葡汁包住，简单而满足。
意大利芝士饼
$25
10 浏览
0 赞好
0 留言
用了仙人掌杯载上，卖相趣致，可以感受到芝士与鲜忌廉的幼滑香浓，酒香的醇美，又有少少咖啡粉的甘苦，为今餐划上完美的句号。
意大利奶冻
$23
26 浏览
0 赞好
0 留言
呢个系老板娘推介，老板娘话呢个系佢老公出品，不计成本用上了贵价淡忌廉、云尼拿籽，令奶冻口感幼滑，香味浓郁，配以士多啤梨酱点缀，咁好食而价钱又咁超值，真系净系嚟食个甜品都抵。
题外话/补充资料：
同老板娘都好主动同客人倾计，得知原来呢度嘅大厨以前喺酒店做的，唔怪得出品都咁有水准啦，难得嘅系价钱又超值，份量十足，性价比高。仲有呢度舖头细细，食物款式唔算多，但真系样样都做得唔错，所谓贵精不贵多，呢个策略唔错，希望老板继续努力，保持食物水准。
(以上食记乃用户个人意见 , 并不代表OpenRice之观点。)
张贴
