Samsen 泰麵

营业中

休息中

因为地点比较偏僻，任何时间都大排长龙，午市过黎既意欲大减，有次难得时间充裕少少就试下啦~虎虾炒金边粉 lunch set ($118) 配冻青柠茶足料4只虎虾爽口弹牙，金边粉够哂镬气、味道正宗，难得唔系得个甜字。 伴碟有青木瓜沙律、花生粒、大量香料同埋九唔搭八既一棵葱，加埋台面几款辣酱好惹味。 跟餐既青柠茶 甜甜酸酸，由原个青柠榨汁制成，茶胆有好特别既幽香。和牛船面 lunch set ($128)深褐色汤底牛味浓郁，有金不换、红葱头等香气，鲜甜得黎唔会腻，似金边粉既软滑面底索满汤汁一流。 和牛、牛筋丸同牛腩都好够牛味，但牛肉薄切，料同面既份量偏少，有机会食唔饱。炸鱼皮 ($18)炸鱼皮厚度似薯片，够脆但确喉死咸。烈日下排左大半个钟，味道冇咩大惊喜，最有泰国风味系全程由排队至入座都晒到喊，试一次就够。